السيفتي مش خوذة… ومش ڤست… ومش مهمات وقاية وبس لا انت كدا محتاج تفهم سيفتى صح

السيفتي مش خوذة… ومش ڤست… ومش مهمات وقاية وبس 

لا انت كدا محتاج تفهم سيفتى صح 👷 

السيفتي منظومة إدارة متكاملة اسمها

Health, Safety & Environment – HSE

اللي فاكر إن دور مهندس السلامة إنه يوزع خوذ ويكتب مخالفات…

محتاج يعرف إن السيفتي علم وإدارة وقيادة قرار

السيفتي الحقيقية بتبدأ قبل ما العامل يمسك عدته

بتبدأ عند التخطيط 

انت بتحافظ علي حياة موقع كامل 

مفيش موقع ،  مصنع...الخ !  من غير سيفتي 

من غيره.. هيقع جامد 

مسئوليتك : 

• دراسة مخاطر المشروع بالكامل

• تحليل أنشطة العمل (JSA / Risk Assessment)

• تحديد المخاطر الحرجة (Critical Risks)

• وضع ضوابط هندسية قبل الإدارية

• إعداد خطط طوارئ واستجابة

• تدريب العاملين وتأهيلهم

السيفتي مش رد فعل بعد الحادث…

السيفتي توقع ومنع قبل ما الحادث يحصل.

في فرق كبير بين موقع “لابس مهمات”

وموقع “مدار بمنظومة سلامة”

المنظومة معناها:

١- إدارة مخاطر

مش كل خطر ينفع يتحل بكمامة

في مخاطر لازم تتحل بتعديل تصميم، أو تغيير طريقة تنفيذ، أو عزل مصدر الخطر بالكامل.

٢- ثقافة إبلاغ

العامل لازم يحس إنه يقدر يوقف الشغل لو شايف خطر…

من غير خوف… ومن غير ضغط إنتاج.

٣- التزام إداري

لو الإدارة مش مقتنعة بالسيفتي…

ولا ألف مهندس سلامة هيقدر ينجح.

٤- قياس وتحسين مستمر

• مؤشرات أداء (KPIs)

• تحقيق في الحوادث وتحليل جذور الأسباب (Root Cause Analysis)

• دروس مستفادة

• مراجعات دورية

السيفتي مش “نمنع إصابة وبس”…

السيفتي نحمي:

• الأرواح

• استمرارية المشروع

• سمعة الشركة

• التكاليف غير المباشرة

• الالتزام القانوني

خليني أقولك ان أي مشروع بيشتغل بدون نظام HSE قوي…

هو مشروع معرض للتوقف في أي لحظة.

الإصابة الواحدة مش بس ألم إنساني…

دي خسارة وقت – تأخير برنامج – غرامات – تحقيقات – سمعة تهتز.

أما الصحة المهنية…

فهي أخطر من الحوادث أحياناً

أمراض مهنية بتظهر بعد سنين بسبب إهمال بسيط في تهوية أو ضوضاء أو مواد خطرة.

والبيئة…

أي تسريب زيت… أي تخزين خاطئ… أي تصريف غير قانوني…

ممكن يحول مشروع ناجح لأزمة قانونية كبيرة.

السيفتي مش شخص واقف يقول “لا”.

السيفتي شريك نجاح يقول “إزاي نعملها صح”.

أنا كـ HSE Engineer

مش دوري أوقف الشغل…

دوري أضمن إن الشغل يتم بأعلى مستوى أمان واستدامة

السيفتي قرار قيادة…

وثقافة فريق…

ومسؤولية جماعية

وأقوى رسالة دايمًا بكررها :

السلامة مش تكلفة إضافية…

السلامة استثمار بيحمي كل حاجة.

No Job Is So Urgent That We Cannot Do It Safely.

#جمعتكم_مباركة ✨❤

#Ahmed_Elshahat_أحمد_الشحات  

Kharafi National #kharafi_national 

#Al_robbiki_industrial_wastewater_treatment_plant 

#HSE

#SafetyManagement

#قيادة_السلامة

#ZeroAccidents

#السلامة_أسلوب_حياة

@highlight